الرد على ملاكى اللمض

كتكوتاتى العسولة
ملاكى اللمض العكروت

اخيرررررررررررررررررا
استعير بكلمة فؤاد المهندس الشهيرة " الحلوة اتكلمتتتتتتتتتتتتتتتت "
الحمدلله اخيرا و بعد 4 شهور من الحرمان و التقل و التنطيط على العبد الفقير لله الغلبان المتواضع اللى هو " أنا " نطقت الهانم نورا هانم باشا علاء بمكنون قلبها اللى سلم و واقع فى دباديب دباديب الدبدوب الصغير فى دباديب قلبى الكبير طبعا
عجبتى البداية اللى شهدت اعترافات خطيرة لا تخلو من التناكه برضه
اعترفتى انك لمضة و غلسة و عندية و الله ما جبت حاجة من عندى .. عامة كل واحد ادرى بنفسه p: و برضة لم تتنازل عن التناكة و التنطيط على خلق الله و قالت انا سكر مع أنها مش سكر خالص ...!!!
دى عسل و قمر و بنجرايه
ايووووووووووون أنت بنجرايه يا حبيبتى
ما أنتى لو سكر تبقى مش المصدر
أما البنجر يا قلبى هو مصدر السكر
و انت مصدر السكر فى الدنيا كلها
و بتتكرمى على الغلبانه أصحاب الدم اللى زى السكر زى حلاتى طبعا و بتحنى علينا و توزعى علينا شوية سكر من كرمتك يا قمر
أما الغلسة اللمضة اللى جابتنى على وشى دى الشهيرة بنورا علاء هى كمان استسلمت و سلمت و بصمت بالميه انها وقعت ف غرامى
و الدليل قالوله طبعا .. انظر البوست الجامد الرهيب اللى فات
اما بخصوص التقيل اللى هو انا ممكن اكون تقيل الوزن اه بس بتقل عليكى اهو ده اللى مش ممكن ابدا و انتى عارفه انى واقع لشوشتى
و شوشته مصر كلها
أما بخصوص محمد جودة بالنسبة لكل فأنا عارف من غير حلفان انك هتمووووووووووووووووووووووت عليه و هو كل دنيتك و انه نفسك ما هو برضه يا هبله انتى بيموت فيكى و فى التراب اللى بتمشى عليه و انتى نفسه و اغلى عنده من روحه و أنت قلبه و عينه اللى
بيشوف بيها
حلوه عمود دى .. أنا عمود .. هق هق هق .. مجنونة و الله .. و الشهادة الطبية مزوره .. قال عمود قال .. لما أنا عمود ايه تبقى أنتى مسوره
حبيبتى بجد انتى محور حياتى من الصبح لبليل بفكر فيكى برسم بخيالى حياتنا بحلم بسعادتنا .. بتخيلك فى حضنى فى بيتنا أنا و أنت و لا حد تالتنا .. أنا و أنتى .. أنا و أنتى و بس
أنت عارفه انى معرفتش الحياة ألا لما عرفتك و متحركتش لحد غيرك و أنت عارفه أنا بحبك فد ايه و بموت فيكى ازاى و نفسى اكون ملكك
ليكى انتى و بس بتاعك كل حاجة فيا ملكك تفكير و قلبى و حياتى و جسمى .. و من وقت لما بدأت أحسك انك مش مجرد خطيبتى . لما حسيتك بقيتى مراتى و أنت أصلا ليكى كل الحقوق دى عليا .. أنا ملكك يا حبيبتى من زمان
نورا أنتى مراتى حبيبتى زوجتى اللى بتمنى معاها بخصوصيتها عندى و خصوصيتى عندها .. مخبيش عليكى أنى نفسى نتجوز بقى و نكون لبعض زوجين سعداء اسعدك و تسعدينى .. نفس ألمسك و احضنك و ابوسك ... مراتى يا عالللللللللللللللللللللللللللللللللم مراااااااااااااااااااااااااااااااتى
نورا أنا مكنش ليا اى رغبة فى اى حد من بنات حواء .. و لما جيتى حركتى رغبتى مش فى بنات حواء لا فى بنت واحدة هى أنت فى عيونى
أجمل نساء الدنيا و اكثرهم انوثة و رقة ... " احيانا " p: لما بتبقى بتسمع الكلام بتبقى رقة و طلعلها بنى ادمايه قمورة عسولة .. نفسى ألمسك بجد نفسى أحسن انى زوجك مش مجرد كلمة
زى ما بحس انك مامى زى ما بحس انك بنتى الصغيرة اللى لسه مكملتش سنتين بخاف عليكى اوى اوى اوى ببقى نفسى اشوفك قدام عينى علطول مش بتغيبى عنى بنتى .. بس مش بنتى فى كل حاجة .. أنا محتاج بقى تكونى زوجتى ..رغبتى لما اتحرك فيكى اتحركت من حبك بشكل كبير جدا مبقدش قادر اعيش من غيرك نفسى فيك نفسى فى كل خصوصية زوج على زوجته فى حبك و قربك و جسمك و مشاعرك
فى كل حاجة بين زوجين سعداء بيلاقى السعادة و هما مع بعض و فى حضن بعض نهارهم سعيد دافئ بحبهم و ليلهم جميل دافئ بمشاعرهم

قال تعالى" هن لباس لكم و أنتم لباس لهن "

نفسى اوى فى الآيه دى نفسى بجد احس الاحساس ده معاكى
نفسى معاكى فى اللى ممنوع لاى حد على اى واحدة غير زوجته و الممنوع لاى واحدة على اى حد غير زوجها
بزعلك كتير .. و ببقى بموت من ألم انى جالى قلب ازعلك .. ببقى خايف عليكى لدرجة مش ممكن حد يتخيلها
لما بزعلك بتعذب عذاب مش ممكن أى بنى ادم يستحمله .. بيألم دموعى بتوجعنى و هى نازله على وشى
بحس بتعب .. ببقى زعلتك و خايف عليكى أنك مجرد ان تزعلى .. بخاف اطفى ابتسمتك أو ضحكتك
عارفه انى احيانا بزودها فى الهزار و انتى عارفه انى بحبك و انتى بتتكسفى جدا و بتضحكى ضحكة الخجل
اللى هى اكتر حاجة بحبها فيكى .. تاجك الجميل .. بموت فى ضحكة الخجل و الكسوف بتاعتك ..
نفسى اكسفك علطول
نورا ... كل حياتى ملكك و كل حلمى أنتى , و كل هدفى أنى اسعدك , و أنى ماما و اخواتك يطمنوا عليكى معايا
خاصة و أنتى هتتغربى معاهم
نفسى اديلك كل حاجة حياتى و السعادة و احسسك بالامان و الدفئ معاكى و انى بجد نفسى اديلك و لو حاجة بسيطة
من كل حاجة جميلة اديتهالى فى حياتى و فرحتينى بيها .. كل حاجة جميلة و سعيدة فى دنيتى كان معاكى و بيكى
و منك ..نورا زى ما قولتلك أنا النهاردة عمرى 4 شهور .. النهاردة زى ما انت عارفه مرت 4 شهور عن اول
يوم شوفنا بعض فيه .. و انا اتولدت لما شفتك
ربنا يخليكى ليا يا زوجتى يا حبيبتى يا عمرى يا دنيتى و ربنا يجمعنى بيكى على خير ان شاء الله فى بيت واحد
بحبك جدا جدا جدا
و بتمناكى و نفسى فى قربك جدا
نفسى تبقى فى حضنى للابددددد
نفسى اسعدك
نفسى أبوسك
نفسى فيكى
نورا علاء مش هتقدر تبطل حب :))